Neistaflugstónlist og ostakaka!

10.8.2007 | 12:50

Ég var að tala við Birnu (hans Hemma) og fékk uppskrift að ostaköku hjá henni. Læt hana flakka hérna á eftir. Hún var að segja mér að frændi hennar spilaði í Neistaflugshljómsveitinni. Þá fékk ég löngun til að benda ykkur á Neistaflugslagið á netinu og svo líka tónlistina hans Gumma sem hljómaði oft þessa helgi. 2 lög af nýja disknum hans Gumma er að finna á blogginu hans, endilega kíkið á þetta!

En þá er það uppskriftin:

Botn:
1-2 pk hafrakex
smá brætt smjör
kanill á hnífsoddi
(smá kaffi, smá rifið suðusúkkulaði)

Ostafylling:
350 ml. létt þeyttur rjómi
250 gr rjómaostur
100 gr agavesíróp
frosin berjablanda
8 blöð matarlím

rjómaostur og agave hrært vel saman, matarlím brætt og sett út í rjómaostblönduna. Berjunum blandað varlega saman við. Rjóminn er settur út í seinast.

---

Ljós&kærleikur...

Flokkur: Bloggar | Facebook

Athugasemdir

GÓÐ UPPSKRIFT

Ásdís Sigurðardóttir, 10.8.2007 kl. 13:58

tók af mér völdin og sleit, helv. tölvan, ætlaði að segja að ég bý aldrei til ostaköku, borðar hana enginn nema ég svo ég fæ mér alltaf tvisvar í boðum þar sem slíkt lostæti er í boði.

Ásdís Sigurðardóttir, 10.8.2007 kl. 13:59

já, mér finnst ostakaka líka góð, en er sú eina sem borðar hana hér á bæ. Er einmitt að spá í að gera hana á morgun þegar afar, ömmur og systkini koma í afmæliskaffi drengjanna...

SigrúnSveitó, 10.8.2007 kl. 14:56

Ljós og friður til þín sæta ostakökuprjónakona

steina í Lejre

Steinunn Helga Sigurðardóttir, 10.8.2007 kl. 15:42

Mmmm, girnilegt!!!

Ætli sé hægt að dobbbbla hana Ólöfu Ósk í pínku vinnu í kvöld eða á morgun, laugardag, kannski klukkutíma? Vel borgað ... Reyndi að hringja en ekkert svar!

Guðríður Hrefna Haraldsdóttir, 10.8.2007 kl. 19:47

Gurrí, ég var að sjá þetta...var að koma heim úr vinnu... Sendi þér sms með númerinu hennar Ólafar Óskar og þú getur hringt í hana á morgun. Hún er örugglega til í að græða money!!