Borgó og fleira

Jæja, loks rann upp dagur fagur og ég komst í Borgarnes að kaupa mér garn.  Svo nú get ég haldið áfram með töskuna fínu
Og ekki nóg með það, heldur skelltum við okkur í kaffi til Erlu sys. og vorum svo heppin að þau voru að setjast við kaffiborðið að fá sér afmæliskaffið hennar Unnar Elvu   Unnur Elva var held ég bara alsæl með daginn, búin að fá nokkrar gjafir og svo að fá svona óvænta heimsókn var ekki al-slæmt.

Þær frænkur, Unnur Elva og Ólöf Ósk, áttu saman góðan tíma og það áttu Jón Ingvi og Heimir Smári líka.  (Heimir Smári er sonur Erlu sys., bróðir Unnar Elvu, og hann og Jón Ingvi eru jafn gamlir...munar 6 dögum á þeim.)

Svo við Erla drukkum slatta af kaffi og höfðum það náðugt.  Ég er svo glöð og þakklát fyrir að hafa systir mína svona nálægt mér.  Yndislegt alveg að geta droppað í kaffi, þó við höfum kannski ekki gert mikið af því í vetur. En nú er sumar og sólin hærra á lofti og hægt að brölta úti eitthvað frameftir og svona

Já og svo er verið að steypa í grunninn!!  Einar er ekki kominn heim enn, steypubílarnir komu 'aðeins' og seint...ca 2½ tíma...en skítt með það, nú eru þeir komnir og að verða búnir að steypa þetta.  Svaka-jaka-spennandi!!!

Best að hætta þessu bulli og gera eitthað af viti...þarf eiginlega að setjast niður á morgun og undirbúa mig fyrir prófið...eða sko byrja að undirbúa mig...skrifa eitthvað...prenta út verkefnið og lesa það yfir...þarf að lesa það nokkrum sinnum yfir fyrir próf...!!

 

Jamm, alltaf nóg að gera.

 

See you later...

 

Athugasemdir

[SigrúnSveitó, 7.6.2007 kl. 22:14]

Takk, mín kæra

[Ásdís Sigurðardóttir, 8.6.2007 kl. 12:21]

Ég hef aldrei vitað um steypubíl sem kemur á réttum tíma. Húsbandi vann á steypudælu í mörg ár og þeir voru alltaf á eftir áætlun, en þetta hefst á endanum.

[SigrúnSveitó, 8.6.2007 kl. 13:23]

Já, þetta hefst á endanum.  Einar var kominn heim um miðnætti, þeir voru búnir að steypa um níu og þá átti eftir að borða smá og svo að stinga járnum í herlegheitin.  Þetta er voða gaman.  Ætla að dæla inn myndum á barnanetið...