Afmælisdöðluterta

Bakaði þessa fyrir afmælið í dag (svo ég fengi nú líka köku) og hún heppnaðist rosa vel.  

Gerir 1 köku

• 125 gr döðlur, soðnar í 2 dl eplasafa í u.þ.b. 10-15 mín
• 1 dl Hipp Organic eplamauk og bláberjamauk
  
• 100 gr heslihnetur, malaðar (má hafa 50% cashewhnetur)
  
• 100 gr möndlur, þurristaðar og malaðar
  
• 1 tsk vínsteinslyftiduft
  
• 1 banani, stappaður
  
• 1 tsk vanilludropar
  
• 1 tsk kanilduft
  
• Heilsusalt (Herbamare) af hnífsoddi
  
• 1 1/2 dl kókosmjöl
  
  Aðferð:
  
• Setjið döðlurnar í matvinnsluvél með u.þ.b. helmingnum af eplasafanum, gætið þess að deigið verði ekki of blautt og bætið frekar út í ef þarf.
  
• Afganginum af uppskriftinni er bætt út í og öllu hrært létt saman (ekki of mikið samt).
  
• Setjið í smurt bökunarform (ég nota bökunarpappír í bökunarform) og bakið við 180°C í um 20-25 mín.
  
• Skreytt með ferskum vel þroskuðum ávöxtum t.d. kíwí, mandarínum, jarðarberjum, hálfum vínberjum o.s.frv.
  
• Passið að deigið sé ekki of blautt, því annars endið þið með döðlumús!!
• Borin fram með þeyttum rjóma.

Gargandi snilld.  Uppskiftina fann ég á CafeSigrún en þar er að finna ýmsar hollustuuppskriftir.

Athugasemdir

[SigrúnSveitó, 15.4.2007 kl. 23:07]

Takk...myndinni er reyndar stolið af vefnum hjá nöfnu minni...  Ég setti banana í hring yst á kökuna og svo bláber, vínber og rifsber.  Mjög gott (og bananabitarnir pössuðu að bláberin rúlluðu ekki út af kökunni )